Ein Brautpaar Zurück zur Übersicht Zwiegespräche

Gereimtes Zwiegespräch. Was ganz harmlos und verliebt beginnt wandelt sich schnell zu einem Schlagabtausch der derben Gemeinheiten. Zum Ende hin findet man aber wieder zum Happy End zusammen. Sehr gelungener Beitrag.

Sprachversion: Nur Badisches (Hoggermerisches) Dialekt
Typ: Zwiegespräch
Personen Anzahl: 2
Dauer: ca. 15 Min.
Jahr: 2000
Autor: Diana Stohner
Besonderheiten:  
Requisiten:  
Dialekt Version downloaden: Word97-Version / Text-Version


 
M:
Mir ware zu unsrer Hochzischfeier,
noch de Kärsch - unn a mim Laier (Vorstand o.ä.)
mit alle Gäscht, des war ganz stark,
im Newezimmer vum Stadtpark (Gaststätte im Ort).

F:
Unser Fahrer war besoffe,
do sinn mir jetzt grad hom geloffe.
De Weg ging an de Hall vorbei,
do sescht mein Schatz mir gugge mol nei.

M:
Do sescht der do unne, geht ä mul nuff
und klärt die Leit mol rischtisch uff.
Wie's so is noch langer Verlobungszeit,
wenn's endlisch is soweit.

F:
Die Zukunft ist jetzt himmelblau,
ab heit, do sinn mir Mann und Frau.
M:
Zu jeder Zeit, an jeder Stell ...
F:
... dirfe ma jetzt ganz offiziell.

M:
Mir brauche nie mehr dunkle Ecke,
um uns beim Knutsche zu verschdegge.
Jetzt hält se a im Helle still,
wenn isch se mol ..... (Pause) ... drigge will.

F:
De Karre mescht jetzt nimmi Halt,
uff de Rennstregg im Hoggemer Wald.
Do wärre die Spanner ganz schä fluche,
die misse sisch was naies suche.

M:
Jetzt känne ma dahäm im Warme,
uns immer kisse und umarme.
So ab unn zu än Cognac schlucke,
unn händsche haltend Fernseh gucke.

F:
Unn fahr isch mit dir fort, du Schlimmer,
nie mehr Probleme mit'm Zimmer.
Do därfsch jetzt ohne Trichversuche,
fa uns ä Doppelzimmer buche.

M:
Was vorher noch verbode war,
geht mit dem Trauschein plötzlich klar.
Geschdn war ma noch die Dolle,
heit kenne man mache, was ma wolle.

F:
Isch brenn schunn druf, mein lieber Mann,
disch zu verwöhne wo isch kann.
Isch will, so emsig wie die Biene,
vun frieh bis spät disch bediene.

M:
Ach Schatz, wie bisch du lieb und nett,
isch bring das Frühstück an dei Bett.
Und dann im Bad, mein klena Schnuckel,
schrubb isch dir dann dein sieße Buckel.

F:
Unn isch wä dir, du Wonneproppe,
Unnerhos und Socke stoppe.
Unn bin mit meine ganze Pracht,
nur fa disch do .... (Pause) ... Dag unn Nacht.

M:
Oh Schatz, isch wä disch ohne Klage,
liebevoll uff Hände trage.
Isch saug unn butz unf flick fa disch,
mach sunndags Chefkoch in de Kisch.
Unn jeden Mittwoch dir zu Ehre,
will isch Hof und Treppe kehre.
- kurze Pause -
De Rescht der Woch wäd schnell vergäh,
do du isch in de Stadtpark geh.

F:
Isch grieg die Krämpf, misch trifft de Schlag,
des bissl Rest sinn noch 5 Tag.
Do kämsch du häm, voll wie'n Stump,
unn dedsch im Bett, du Haderlump,
mit Brih im Hirn noch sunschtnochwas wolle,
so Fätz, kannsch du vun mir net wolle.

M: Glabsch du denn wirklisch, du Ungeheuer,
des alles was mir lieb und teuer,
isch weje dir, du riese Ross,
vun heit uff moje sauße loss?
Mit solsche Schnapsidee, du Kuche,
kannsch du dir glei än annere suche.

F:
So, Herzel, kannsch du mir net kumme,
wer außer mir hätt disch schunn gnumme?
Nix dehinner, nur Gestrunz,
betracht ihn eisch, die Hosebrunz!

M:
Isch hebb geglabt, du Nasebär,
das isch die Nonplusultra wär.
Jetzt merk isch's erscht, nooch lange Johr,
das isch fa disch bloß Spielzeig wor.
Isch war fa disch bloß Zeitverdreiwer,
du bisch genau wie all di annere Weiber.

F:
Du brauchsch die Maul net uffzureiße,
um disch als Großkotz zu erweise.
Zäh (10) Johr hosch du ubeschwert,
disch an meinere Bruscht genährt.
Die Sauferei, du alter Strunz,
dei Reise unn dein Daimler-Benz,
dei FKK, die Fätz die bleede,
alles bloß funn meine Krete.
Uhne mei Erbschaft wärsch du Feger,
ä armi Sau ... du Mitgiftjäger!

M:
Des bissl Erbschaft - bleedi Kuh,
is schun lang fod, der Sack is zu.
Isch zeig d jetzt ohne Gschiss,
endlich mol was Arweit is.
In de Wuzhnung is viel zu du,
isch zeig dir's jetzt, nu neireisch Kuh.

F:
Du glabsch doch net, du Schrumpf-Felach,
das isch fa disch de Butzaff mach.
Isch loss misch doch vun dir net kneschde,
isch kenn mei Pflischte unn a mei Reschde.
Dein Haushalt wäd vun mir schunn gmacht.
Vun frieh um neine (9) bis oweds um acht.
Doch dann folgt etwa so bis zäh (10) Uhr,
mei Körperpfleg - die Schönheitskur.
Mir Fraue verstehe uns halt rauszubuzze,
fa eisch, ihr bleede Fasnachtswuzze.

M:
Isch seh disch schunn, du Newwlkräh,
oweds vor deim Spieggel stäh.
Isch seh die Händ än Kreis beschreiwe,
unn in der Fratz die Crem vareiwe.
Isch seh disch Loggewiggel drage,
Unn an de Fingernäggel nage.
Mit Spachtel unn mid Pinsel schaffe,
die Nas poliere - Falde raffe,
Wenn isch disch ehmol so vawisch,
dann, liewi Fra, wäds heiß fa disch.
Dann schrubb isch dir die Crem tabet,
das dir hörn und sehen vergeht.
Dann sinn bei dir du Kinnerschreck,
fa zwanzisch (20) Johr die Falde weg.

F:
Du Worzelsepp kumm mir net krumm,
gard ihr steht doch vorm Spieggel rum.
Und guckt uff de nackte Glatz,
Eier Toupet sitzt am riscchdische Platz.
Ihr schmiert eisch fa die nächtlisch Balz,
mit After-Shave de Faldehals.
Dursch Käsfuß habt ihr noch dazu,
stets Aquaplaning in de Schuh.
Die Männlischkeit is doch nur Bluff,
du Hosescheißer - do scheiß isch druff.

M:
Uf Männlischkeit, du Huschdeglumbe,
brauchsch du uns gar net ufzudumbe.
Wir Männer heede Kinner (Kinder) gern.
Doch ihr hebt bloß die Pill im Hern.
Die Liebe ist fa so ä Weib,
Doch praktisch bloß ähn Zeitverdreib.

F:
Hald doch de Mund, du Knodderbichs,
uf des Gschwätz, do geb isch nix.
Mir Fraue vun heit sinn net mehr länger,
äfach nur Befehlsempfänger.
Mir nemme selwer mit Verstand,
die Nochwuchsplanung in die Hand.
Uf diedse Weis', do krigge mir
drei Kinner - oder hächstens vier.
Unn net vun deinere närrische Art,
Glei än ganze Elferrat.
Zum Schluss do grägt isch noch 'n Owwerheiser,
so'n rischdische Golo-Hosescheißer.

M:
Oh liewer Gott, des wäre Quale,
dem sein Dorschd kann ma net bezahle.
Isch loss mir doch net vunn dir Emanze,
Net ständisch ufm Kopf rumdanze.

F:
Spursch du net, du blonder Spund,
Is des fa misch en Scheidungsgrund.
Unn bei dem naie Eherescht,
mein liewer Mann, do geht das schlecht!
Du bisch dann nur noch am berappe,
so lang ich will, du Jammerlappe.

M:
Du Mischtbien kriegsch misch net so weit,
isch leischt de Offenbarungseid.
Do kannsch dir dann die paar Kohle,
getroscht uffm Sozialamt hole.

F:
Dein frommer Wunsch geht in die Bix,
isch brauch disch net, du Habenix.
Weil heit ä Frau a ohne Mann
sisch a ganz gut ernähre kann.
Iwwer des "Wie" will isch net streide,
isch hebb do schun mei Möglischkeide.

M:
Du bisch als Prototyp vun deiner Rass,
im dummschwätze die Spietzeklass.
Ihr seid des ganze Johr am Tratsche,
misst iwwer jeden Bockmischt quatsche.
Stundelang steht ihr am Eck,
unn zeiht die Leid bloß dursch de Dreck.
Ma misst eisch Weiwer vorm Eikafe gehe,
die Zung mit Schnur am Gaume feschtnehe.

F:
So ab und zu - kumm halt dei Schnud,
dud jedem mol ä Schwätzsche gut.

M:
Mit dir zu lewe wär net schwer,
wenn bloß des dein Fehler wär.

F:
Mein liewer Mann, seh's doch ei,
niemand kann vollkomme sei.

M:
Mir fällts net leischt unn schmeckt mir bitter,
... komm liewi Frah, vertrage ma uns widder.
Nach Zank und Streit sich zu verstehe,
des is die Würze einer Ehe.

F:
Auch ihrt sollt immer daran denke,
vor dem Schlafe einzulenke.

F:
Vergesse mal halt unsern Streit,

M:
unn gehe ins Bett - gut Nacht ihr Leit.

Beide:
Mer misse noch zur nächschde Narreschar,
unn sehe uns widder im nächschde Jahr.



AHOI


Die Top 5
Vollgestopft mit Büttenreden und Zwiegesprächen sind das die Lieblingsbücher meiner Besucher. Gleich ONLINE kaufen!!!

Alaaf! Helau! Von Frau zu Frau - gereimte Büttenreden Alaaf! Helau! Die Kinderschau - Reden für Kinder Jugend in der Bütt - Reden für Kinder und Jugendliche Karnevalsraketen - kölsche Büttenreden und Zwiegespräche ALAAF ! HELAU ! Zur Narrenschau - gereimte Büttenreden

Faschingskostüme, Schminke oder sonstiges Zubehör. Das findest Du alles sehr günstig beim Racheshop, dem coolsten Internet Shop den ich kenne:

DER RACHESHOP - Europas verrücktester Online Shop!




  Zurück zur Übersicht Zwiegespräche