Die Fahrschule Zurück zur Übersicht Zwiegespräche

Dieser Fahrschüler treibt wohl jeden Fahrlehrer und Prüfer in den Wahnsinn. Mit gekonnten Wortspielereien erzählen zwei Akteure von einer Fahrprüfung.

Sprachversion: Nur Badisches (Hoggermerisches) Dialekt
Typ: Zwiegespräch
Personen Anzahl: 2
Dauer: ca. 15 Min.
Jahr: 2001
Autor: Diana Stohner
Besonderheiten:  
Requisiten:  
Dialekt Version downloaden: Word97-Version / Text-Version


 
D:
Könne Sie alles?

P:
Jo!

D:
Was muss 'n Autofahrer immer bei sisch hawwe?

P:
Ha: 20,00 DM isch's mindeschde.

D:
No, isch mon wenn de Polizischt Sie uffschreiwe will!

P:
Än Blei.

D:
No, än Gejestand, so gross wie ä Poschtkard.

P:
Ä Dafel Schoklad.

D:
No, än Fihrerschei!

P:
Ah! Än Pappedeckel/Lappe. Wusst ischs doch!...

D:
Des hätte sie ma sache gmisst.

P:
's nächschte Mol.

D:
Wie siehts aus mit'm Technische!

P:
Siescht escht gut aus!

D:
Ä Frog: Stelle Sie sisch mol vor, Sie sinn uff de Autobahn ....

P:
Oh, geil!

D:
Moment... Uff ämol meschts PENG!

P:
Knopf ab!

D:
Nix, Knopf ab. De Reife is geplatzt.

P:
Is des meglisch so uff ämol?

D:
Ja! Was mache Sie jetz?

P:
Do ded isch erschtemol austeige.

D:
Des is schunnemol gut.

P:
... unn dann halt isch o ...

D:
No, annerscht rum!

P:
Hajo! Unn dann ruf isch "Hallo".

D:
Net Hallo rufe! 's is jo koner do.

P:
Unn im Wald ...

D:
's is a kon Wald do.

P:
A kon Wald? Was is 'n des fa Gegend?

D:
's kann doch vorkumme.

P:
Do fahr isch bschtimmt net no.

D:
Des is egal, was mache Sie jetzt?

P:
Do ded isch sage, isch nemm die Mitz ab.

D:
Welli Mitz?

P:
A die am Rad, die Radmitz!

D:
Des is doch ko Radmitz, des heßt Radkapp!

P:
Des is doch egal.

D:
Ewe net! Awwer was mache Sie jetzt?

P:
Jetzt ruf isch Hallo.

D:
Isch hebbs Ihne schunnemol gsat, 's isch niemand do!

P:
's kann jo mittlerweil jemand kumme sei.

D:
No, 's kummt awwer niemand.

P:
Nun, Herr Polizist, do weß isch jetzt a net weiter.

D:
Jetzt nemme Sie än Englänner ...

P:
Isch nemm jetzt än Eng.... Ach so! Mir sinn schun hinner Owwerhause!

D:
Des hot doch jetzt nix mit Owwerhause zu du!

P:
Sie henn doch gsat, isch nemm jetzt än Englänner.

D:
Ah, denn hänn Sie doch debei!

P:
Isch hebb än Englänner debei? Wie is 'n des meglisch?

D:
Der is hinne in Werkzeigtasch.

P:
In meiner Werkzeigtasch, än Englänner?

D:
Ja, innem ä Dischl.

P:
Aha der schläft dort.

D:
Ach was, der schläft dort! Der ist doch mitgliefert.

P:
So, so. Der is mitgliefert.

D:
Also: Den Englänner nemme Sie und schrauwe domit die alt Mudder ab.

P:
Wer hot dann die arm, alt Fro do druff gschraubt?

D:
Des is ko armi, alti Fro, des is die alt Schraub!

P:
Awer, wie kenne Sie Schraub zu dere sage?

D:
Des is hoffnungslos! - Wieviel Zylinner hot Ihr Auto?

P:
Zylinner hots iwwerhaupt net.

D:
Jedes Auto hot Zylinner.

P:
's hot kä Zylinner. Ä alti Sportkapp is dring gleje, als isch's gekaft hebb.

D:
Kä Ahnung vun Zylinner ......

P:
Was? Isch kenn ko Zylinner? Mir henn doch oner dähom! Do hemma d'Zwiwwle drin.

D:
Was braucht'n Ihr Auto?

P:
Des schluckt ugfähr ...... jaaaaaaaa, des brauchts.

D:
Isch mohn wieviel Liter?

P:
Zähne, die muss es schun hawwe.

D:
Ja, zäh Liter, des is normal, zäh liter Benzin.

P:
No, El (Öl)! Mir henn jo gar ko Benzin. Des hot die Katz gsoffe. Mir henn so ä kloni Katz im Gorde. Do kumm isch geschdn in die Garage und do hot die Katz än 20-Liter-Kanischter in änere Nacht ausgsoffe unn dann is sie die Dachrinn hoch, runner, hoch, runner .... unn dann is sie umgekippt.

D:
War sie dod?

P:
No, 's Benzin war all!

D:
Jetzt vazehle sie ma ko Gschischte. Was mache Se, wenn de Tank leckt?

P:
Do nemm isch ä Messer unn schneid die Zung ab.

D:
No, de Benzinhahn hot so ä klons Leschl. Des misse se erschtemol suche.

P:
Jo, do nemm ich ä Streichholz ....

D:
Un am Dunnerschdag is die Beerdischung.

P:
No, ko Zeit! Do kann isch net ...

D:
Do brauch Sie e net nohgehe. Sie werre nogetrage. Is doch klar, wenn Sie mit 'm Streichholz do drogehe, fliegt doch alles in 'd Luft.

P:
Dann brauch isch doch des Leschl nimmi suche!

D:
Ä anneri Frog: Was verschdehe Sie unerm erschde Gang?

P:
Dä erschde Gang is bei uns meischdens die Supp.

D:
Mir sinn jetzt net beim Esse. Was mache Sie noch'm erschde Gang?

P:
Hupe?

D:
Noch'm erschde Gang gewwe Sie Gas.

P:
Aha, glei noch de Supp?

D:
Wo is de Auspuff?

P:
Bschtimmt gejeiwwer vum Einpuff.

D:
Häre Sie ma uff, sie sin ähn glatter Versager!

P:
Des woß isch! Des hoßt net Versager, sunnern VERGASER!



AHOI


Die Top 5
Vollgestopft mit Büttenreden und Zwiegesprächen sind das die Lieblingsbücher meiner Besucher. Gleich ONLINE kaufen!!!

Alaaf! Helau! Von Frau zu Frau - gereimte Büttenreden Alaaf! Helau! Die Kinderschau - Reden für Kinder Jugend in der Bütt - Reden für Kinder und Jugendliche Karnevalsraketen - kölsche Büttenreden und Zwiegespräche ALAAF ! HELAU ! Zur Narrenschau - gereimte Büttenreden

Faschingskostüme, Schminke oder sonstiges Zubehör. Das findest Du alles sehr günstig beim Racheshop, dem coolsten Internet Shop den ich kenne:

DER RACHESHOP - Europas verrücktester Online Shop!




  Zurück zur Übersicht Zwiegespräche